پروٹین شیک کا استعمال اکثر لوگ وزن میں کمی یا چاق و چوبند رہنے کیلیے کرتے ہیں، کیوں کہ پروٹین کی مناسب مقدار جسم کی نشوونما کے لیے بہت اہم ہے۔
پروٹین شیک وزن کم کرنے کے ساتھ ساتھ جسم کو طاقت بھی فراہم کرتا ہے جس سے کمزوری محسوس نہیں ہوتی لیکن یہ ہی پروٹین شیک جسمانی وزن بڑھانے کا بھی سب سے بڑا ذریعہ بھی ہے۔
جی ہاں !! ماہرینِ صحت نے خبردار کیا ہے کہ پروٹین شیک کا غیر ضروری استعمال صحت کے لیے نقصان دہ ثابت ہوسکتا ہے، خصوصاً اُن افراد کے لیے جو باقاعدہ ورزش نہیں کرتے۔
ماہرین کے مطابق پروٹین انسانی جسم کے لیے انتہائی اہم جزو ہے جو مدافعتی نظام مضبوط بنانے، دل و دماغ کو متحرک رکھنے اور جسمانی توانائی برقرار رکھنے میں مدد دیتا ہے۔
عام طور پر بالغ افراد کو اپنے جسمانی وزن کے ہر کلو گرام کے حساب سے تقریباً 0.8 گرام پروٹین درکار ہوتا ہے، جو متوازن غذا کے ذریعے باآسانی حاصل کیا جاسکتا ہے۔
ماہرین کا کہنا ہے کہ جو افراد ہفتے میں پانچ گھنٹے سے زیادہ ورزش کرتے ہیں، انہیں جسمانی وزن کے مطابق زیادہ پروٹین کی ضرورت پڑ سکتی ہے۔
تاہم ورزش کے بغیر پروٹین شیکس کا استعمال اضافی کیلوریز اور وزن بڑھنے کا سبب بن سکتا ہے، خاص طور پر اگر ان میں چینی (وہائٹ شوگر) شامل ہو۔
ماہرین نے اس بات پر زور دیا کہ قدرتی غذائیں صرف پروٹین ہی نہیں بلکہ وٹامنز، منرلز اور فائبر بھی فراہم کرتی ہیں، اس لیے متوازن خوراک کو ترجیح دینی چاہیے۔
یاد رکھیں!! اگر آپ کو گردوں کا کوئی مسئلہ ہے، تو پروٹین شیک استعمال کرنے سے پہلے اپنے ڈاکٹر سے ضرور مشورہ کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ : مندرجہ بالا تحریر معالج کی عمومی رائے پر مبنی ہے، کسی بھی نسخے یا دوا کو ایک مستند معالج کے مشورے کا متبادل نہ سمجھا جائے۔
