کراچی : زیتون کا تیل صحت کے لیے ایک انتہائی مفید غذا ہے، نہ صرف تیل بلکہ اس کے پتوں کی افادیت بھی اپنی مثال آپ ہے۔
زیتون کا تیل دل کی صحت کو بہتر بناتا، کولیسٹرول لیول کو کم کرتا اور بلڈ پریشر کو متوازن رکھتا ہے۔
یہ یاداشت کو تیز اور الزائمر کی بیماری سے بچاؤ میں معاون ثابت ہو سکتا ہے۔
اے آر وائی ڈیجیٹل کے پروگرام شانِ رمضان میں ہربلسٹ سید غالب آغا نے بتایا کہ یہ اینٹی آکسیڈنٹس اور وٹامن ای سے بھرپور ہوتا ہے، جو جلد کی نمی بحال کرنے، بالوں کی نشوونما بڑھانے، اور جوڑوں کے درد میں کمی کے لیے بہترین ہے،نہار منہ استعمال کرنے سے یہ ہاضمہ درست کرتا ہے۔
انہوں نے بتایا کہ ایک گلاس پانی میں 8 سے 10 پتے ابال کر زیتون کے پتوں کی چائے بنا کر پینے سے ٹائپ ٹو ذیابیطس کے مریضوں کیلیے بے حد مفید ہے، اس کے علاوہ امراض قلب میں مفید، بلڈ پریشر اور کولیسٹرول کو کنٹرول کرتی ہے۔
اس کے علاوہ چار سے 5 پتے زیتون اور دار چینی کا چھوٹا سا ٹکڑا لے کر اسے ایک گلاس پانی میں ابالیں جب پانی ابل کر آدھا رہ جائے تو اسے چھان کر پی لیں۔یہ نسخہ وائرل انفیکشن کیلیے بہت فائدہ مند ہے۔
انہوں نے کہا کہ زیتون کا تیل کھانا پکانے کیلیے استعمال نہیں کیا جاتا یہ ایک مکمل غذا ہے اس کو کسی بھی پکوان پر اوپر سے کچا ڈال کر استعمال کرنا چاہیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ : مندرجہ بالا تحریر معالج کی عمومی رائے پر مبنی ہے، کسی بھی نسخے یا دوا کو ایک مستند معالج کے مشورے کا متبادل نہ سمجھا جائے۔
ٹماٹر اور زیتون کے تیل کے وہ فوائد جسے جان کر حیران رہ جائیں گے
