(30 اپریل 2026): سوشل میڈیا پلیٹ فارمز پر شادی کی تقریب کے دوران نئی نویلی دلہن کی رقص کرتے ہوئے موت واقع ہونے کی ویڈیو سامنے آگئی۔
بھارتی ریاست راجستھان میں شادی کی تقریب اُس وقت ماتم میں بدل گئی جب 22 سالہ پیو رقص کرتے ہوئے موت کے منہ میں چلی گئی، نئی نویلی دلہن کی 4 ماہ قبل شادی ہوئی تھی۔
یہ بھی پڑھیں: شادی کے دن کزن نے دلہن کو بیوٹی پارلر میں قتل کر دیا
واقعہ پیر کی رات پیش آیا، دیپو نامی لڑکی خاندان والوں کے ساتھ راجستھانی گیتوں پر رقص کر رہی تھی۔ تقریباً 10 منٹ رقص کرنے کے بعد اس کی طبیعت بگڑ گئی اور وہ گر گئی۔
خاندان والے اسے فوری طور پر سرکاری اسپتال لے گئے جہاں ڈاکٹروں نے اس کی موت کی تصدیق کر دی۔ طبی ماہرین نے اہل خانہ کو بتایا کہ موت کی ممکنہ وجہ ہارٹ اٹیک تھی۔
دیپو کو بچانے کی کوششیں کی گئیں اور دل کی دھڑکن بحال کرنے کیلیے انجکشن بھی لگائے گئے لیکن وہ جانبر نہ ہو سکی۔
اہل خانہ کے مطابق دیپو کی شادی محض چار ماہ قبل دلیپ کمار سے ہوئی تھی جو ممبئی میں اسٹیل کا کاروبار کرتے ہیں۔ شادی کے بعد اپنے خاندان کی کسی تقریب میں یہ ان کی پہلی شرکت تھی۔
لڑکی کی موت کے بعد اہل خانہ نے پوسٹ مارٹم کروانے سے انکار کر دیا جس کے بعد پولیس نے لاش آخری رسومات کیلیے ورثاء کے حوالے کر دی۔
