راولپنڈی : بلوچستان کے ضلع کیچ کے علاقے شیر بندی میں سیکیورٹی فورسز کی گاڑی پر دہشت گردوں کی جانب سے آئی ای ڈی دھماکا کیا گیا۔
پاک فوج کے شعبہ تعلقات عامہ آئی ایس پی آر کے مطابق آئی ای ڈی دھماکے میں 5سیکیورٹی اہلکار جام شہادت نوش کرگئے۔
کلیئرنس آپریشن کے دوران 5 دہشت گرد مارے گئے، سیکیورٹی فورسز کے شہدا میں کیپٹن وقار احمد، نائیک عصمت اللہ، لانس نائیک جنید احمد، لانس نائیک خان محمد، سپاہی محمد ظہور شامل ہیں۔
