ممبئی (21 ستمبر 2025): بالی وڈ میں ’بیبو‘ کے لقب سے پہنچان رکھنے والی کرینہ کپور کی مجموعی دولت، آمدن کے ذرائع، جائیدادوں اور شاہانہ زندگی ہر ایک کیلیے متاثر کن ہے۔
کرینہ کپور بالی وڈ کی سب سے دلکش اور کامیاب اداکاراؤں میں سے ایک ہیں جنہوں نے 2000 میں اداکاری کے کیریئر کا آغاز کیا اور تب سے وہ کئی کامیاب فلموں کا حصہ رہ چکی ہیں۔
21 ستمبر 1980 کو پیدا ہونے والی کرینہ کپور زندگی کی 45 بہاریں دیکھ چکی ہیں اور آج ان کی سالگرہ کے موقع پر ان کے شاندار طرز زندگی پر نظر ڈالنے کا بہترین وقت ہے۔
مجموعی دولت اور آمدنی کے اہم ذرائع
رپورٹ کے مطابق کرینہ کپور کی مجموعی دولت کا تخمینہ 485 کروڑ (بھارتی روپے) لگایا جاتا ہے جبکہ ان کی آمدنی کا اہم ذریعہ اداکاری کا کیریئر ہے۔ وہ فی فلم 10 سے 12 کروڑ وصول کرتی ہیں جبکہ اس کے علاوہ برانڈ ڈیلز سے بھی خاصی رقم کماتی ہیں جو کہ ہر ایڈورٹائزمنٹ کیلیے تقریباً 5 کروڑ روپے ہے۔
خاندان کے ساتھ ملکیتی جائیدادیں
کرینہ کپور اور ان کے شوہر اداکار سیف علی خان اپنے دو بیٹوں تیمور اور جے کے ساتھ ممبئی کے علاقے باندرہ میں ایک شاندار گھر میں رہتے ہیں جس کی قیمت تقریباً 103 کروڑ روپے ہے۔
علاوہ ازیں، جوڑے کے پاس مشہور پٹودی محل بھی ہے جو ایک شاندار شاہی املاک ہے اور اس کی قیمت حیران کن طور پر 800 کروڑ روپے ہے۔ ان دونوں جائیدادوں کے درمیان اداکارہ اور ان کا خاندان ایک ایسی زندگی گزارتا ہے جو جدید عیش و آرام اور شاہی شان و شوکت کا امتزاج ہے۔
لگژری کاریں
’بیبو‘ کے پاس ایک متاثر کن کاروں کا مجموعہ ہے جس میں کچھ اعلیٰ درجے کے لگژری برانڈز بھی شامل ہیں۔
کرینہ کپور آخری بار روہت شیٹی کی ہدایت کاری میں بننے والی فلم ’سنگھم اگین‘ میں نظر آئیں جو نومبر 2024 میں ریلیز ہوئی تھی۔
کرینہ کپور نہ صرف اسکرین پر ایک ستارہ ہیں بلکہ طرز زندگی اور دولت کے لحاظ سے بھی ایک طاقتور شخصیت ہیں۔
