اسلام آباد: وزارت خزانہ کی بیرونی ادائیگیوں سے متعلق وضاحت آگئی ہے۔
اے آر وائی نیوز کے مطابق وزارت خزانہ کا کہنا ہے کہ پاکستان اپنے تمام بیرونی قرضے اور ادائیگیاں بروقت کرے گا، حکومت نے بیرونی ادائیگیوں کی نگرانی تیز کردی ہے۔
وزارت خزانہ کا کہنا ہے کہ زرمبادلہ کے ذخائر کو مستحکم رکھا جارہا ہے، بیرونی مالی صورت حال پر حکومت کی کڑی نظر برقرار ہے۔
وزارت خزانہ کا کہنا ہے کہ حکومت کا معیشت کو مستحکم رکھنے کا عزم برقرار ہے۔
یہ پڑھیں: پاکستان کا متحدہ عرب امارات کا قرض واپس کرنے کا فیصلہ
واضح رہے کہ پاکستان نے متحدہ عرب امارات کا قرض واپس کرنے کا فیصلہ کیا ہے۔
ذرائع کے مطابق پاکستان 2 ارب ڈالر اسی مہینے کے آخر میں ابوظبی کو واپس کرے گا، یہ رقم پاکستان کے اکاؤنٹ میں سیف ڈپازٹ کے طور پر موجود تھی۔
ذرائع وزارت خزانہ نے بتایا تھا کہ پاکستان اس رقم پر 6 فیصد کی شرح سے سود ادا کررہا تھا۔
ذرائع کا کہنا تھا کہ یو اے ای اس رقم کو پہلے سالانہ بنیاد پر رول اوور کررہاتھا، دسمبر 2025 میں یہ رقم ایک مہینے کیلئے اور پھر دو مہینے کیلئے رول اوور کی گئی۔
