الیکشن کمیشن نے وفاقی دارالحکومت اسلام آباد میں بلدیاتی انتخاب کروانے کا اعلان کردیا۔
الیکشن کمیشن نے بلدیاتی انتخابات سے متعلق محفوظ جاری کردیا جس میں اسلام آباد لوکل گورنمنٹ ایکٹ 2015 میں حالیہ ترمیم آئین اور قانون سے متصادم قرار دی گئی ہے۔
فیصلے میں کہا گیا ہے کہ خواتین سمیت دیگر مخصوص نشستوں پر انتخابات سیکریٹری لوکل گورنمنٹ نہیں کرواسکتا، انتخابات کے لیے ڈی آر او، آر او اور دیگر عملہ تعینات کرنا الیکشن کمیشن کا اختیار ہے۔
ای سی پی کا کہنا ہے کہ الیکشن کمیشن اپنے افسران عدلیہ یا انتظامیہ میں سے تعینات کرے گا، سیکریٹری لوکل گورنمنٹ سرکاری افسر کی تعریف پر پورا نہیں اترتا۔
الیکشن کمیشن نے متعلقہ ونگ کو بلدیاتی انتخابات کے شیڈول کی تیاری کا حکم بھی دے دیا ہے۔
