صدرمملکت آصف علی زرداری سے سربراہ جےیو آئی مولانا فضل الرحمان نے ملاقات کی ہے، ملاقات میں بلاول بھٹو بھی موجود رہے۔
ذرائع نے بتایا کہ مولانا فضل الرحمان اور صدر زرداری کے درمیان ہونے والی ملاقات میں چیئرمین پی پی بلاول بھٹو زرداری بھی شریک ہوئے، ملاقات میں 27ویں ترمیم کے حکومتی مسودے پر مشاورت ہوئی، رہنماؤں نے موجودہ سیاسی صورتحال پر بھی گفتگو کی۔
یہ بھی پڑھیں: حکومت کا 27ویں آئینی ترمیم کے ذریعے عسکری قیادت کو تحفظ فراہم کرنے کا فیصلہ
وزیرداخلہ محسن نقوی نے بھی صدر آصف زرداری اور بلاول بھٹو سے اہم ملاقات کی ہے، محسن نقوی نے پی پی قیادت سے فضل الرحمان کو منانے کی درخواست کی۔
ذرائع نے مزید بتایا کہ پی پی قیادت نے محسن نقوی کو کہا کہ مولانافضل الرحمان سے 27ویں آئینی ترمیم پربات کریں گے، ملاقات میں محسن نقوی نے پی پی قیادت سے 27ویں ترمیم کی مختلف شقوں پر بھی گفتگو کی۔
پی پی قیادت نے محسن نقوی کو جواب دیا ہے کہ مشاورت سے معاملات طے کیے جائیں، ملاقات کے بعد صدرمملکت اور محسن نقوی قادر پٹیل کے بیٹے کی شادی میں شرکت کرینگے، مولانا فضل الرحمان بھی ان کے ہمراہ ہیں۔
اپوزیشن اتحاد کا مجوزہ 27ویں ترمیم کیخلاف ملک گیر تحریک چلانے کا اعلان
