اسلام آباد: وزارت داخلہ نے افغان شہریوں کی فوری گرفتاری کا حکم دیتے ہوئے کریک ڈاؤن کا فیصلہ کر لیا۔
وزارت داخلہ نے افغان شہریوں کیلئے 10 جولائی کی ڈیڈلائن مقرر کر دی اور حتمی تاریخ کے بعد افغان شہریوں کو گرفتار کیا جائے گا۔
وزارت داخلہ کا کہنا ہے کہ 10جولائی سے تمام غیرقانونی افغان باشندوں کو گرفتار کیا جائے گا۔
اس حوالے سے صوبائی چیف سیکرٹریز، آئی جیز اور اسلام آباد انتظامیہ کو سختی سے عملدرآمد کی ہدایت کر دی گئی ہے۔
11جولائی سے گرفتاریوں اور کارروائیوں کی یومیہ رپورٹ وزارت داخلہ کو جمع کرانا لازمی قرار دی گئی ہے۔ رپورٹ میں بغیر ویزا ملنے والے افغان شہریوں کی تعداد، کارروائی اور موجودہ حیثیت شامل کرنے کا حکم دیا گیا ہے۔
مراسلے میں معاملے کو انتہائی اہم قرار دیتے ہوئے فوری اور مکمل عملدرآمد کی ہدایت کی گئی ہے۔
