اسلام آباد : ایران نے پاکستانی پرچم بردار مزید 20 بحری جہازوں کو آبنائے ہرمز سے گزرنے کی اجازت دینے کا فیصلہ کیا ہے۔
اس بات کا انکشاف نائب وزیر اعظم و وزیر خارجہ سینیٹر محمد اسحاق ڈار نے سماجی رابطے کی ویب سائٹ ایکس پر اپنے پیغام میں کیا۔
اسحاق ڈار نے اپنی ایکس پوسٹ میں امریکی نائب صدر جے ڈی وینس، مارکو روبیو کے علاوہ ایرانی وزیر خارجہ اور اسٹو وٹکوف کو بھی ٹیگ کیا ہے۔
انہوں نے بتایا کہ بڑی خبر بتاتے ہوئے خوشی ہو رہی ہے، پاکستانی پرچم بردار روزانہ 2 بحری جہازوں کو آبنائے ہرمز سے گزرنے کی اجازت ہوگی، ایران کا یہ اقدام خوش آئند، تعمیری اور خطے میں امن کا پیش خیمہ ہے۔
I am pleased to share a great news that the Government of Iran has agreed to allow 20 more ships under the Pakistani flag to pass through the Strait of Hormuz; two ships will cross the Strait daily.
This is a welcome and constructive gesture by Iran and deserves appreciation. It…
— Ishaq Dar (@MIshaqDar50) March 28, 2026
نائب وزیر اعظم نے کہا کہ بحری جہازوں کی آمد و رفت کی اجازت خطے میں استحکام لانے میں مددگار ثابت ہوگی، ایران کا مثبت اعلان امن کی جانب ایک بامعنی قدم اور مشترکہ کوششوں کو تقویت دے گا۔
انہوں نے مزید کہا کہ مذاکرات، سفارت کاری اور اعتماد سازی کے اقدامات ہی ترقی کی جانب آگے بڑھنے کا واحد راستہ ہیں۔
ایران نے ملائیشیا کے جہازوں کو آبنائے ہرمز سے گزرنے کی اجازت دیدی
