ٹورنٹو : کینیڈا فیفا ورلڈ کپ کے افتتاحی میچ میں بوسنیا ہرزیگوینا کے خلاف شکست سے بال بال بچ گیا دونوں ٹیموں کے درمیان مقابلہ 1-1 سے برابر رہا۔
ٹورنٹو میں کینیڈا اور بوسنیا ہزگووینا کی ٹیموں کے درمیان کھیلے جانے والے پہلے سنسنی خیز میچ میں مقابلہ ایک ایک گول سے برابر رہا۔
فیفا ورلڈ کپ میں گروپ بی کے ابتدائی میچ میں بوسنیا کی جانب سے یوولو کیچ نے21ویں منٹ میں پہلا گول اسکور کیا، جواب میں کینیڈا کے اسٹرائیکر کائل لورین نے 78 ویں منٹ میں گول کرکے مقابلہ برابر کردیا۔
کینیڈا نے کائل لارین کے ایک گول کی بدولت بوسنیا ہرزیگووینا سے ایک پوائنٹ چھین لیا، مقابلے کے نتیجے میں کینیڈا کی ٹیم نے ورلڈ کپ کی تاریخ کا پہلا پوائنٹ حاصل کرکے بڑا سنگ میل عبور کیا ہے۔
علاوہ ازیں آج لاس اینجلس اسٹیڈیم میں کھیلے جانے والے دوسرے میچ میں امریکا اور پیراگوئے کی ٹیمیں مدمقابل ہوں گی، میچ سے پہلے اسٹیڈیم میں افتتاحی تقریب بھی منعقد ہوگی۔
