دبئی : یو اے ای حکومت نے فضائی حدود کی بندش کے باعث پھنسے غیر ملکی مسافروں کو ویزا اوور اسٹے جرمانوں سے استثنیٰ دینے کا اعلان کیا ہے۔
اے آر وائی نیوز کی رپورٹ کے مطابق متحدہ عرب امارات (یو اے ای) نے فضائی حدود کی بندش سے متاثرہ مسافروں کو ریلیف دینے کا اعلان کرتے ہوئے ویزا اوور اسٹے جرمانے معاف کرنے کا فیصلہ کیا ہے۔
آئی سی پی کے مطابق یو اے ای نے وزٹ ویزا ،سیاحتی ویزا اور ایگزٹ پرمٹ رکھنے والوں کو جرمانوں سے استثنیٰ دینے کا اعلان کردیا۔
28فروری کے بعد تاخیر سے روانگی پر مسافروں کے جرمانے معاف کردیے گئے ہیں، واپس روانگی کیلئے رہائشی پرمٹ منسوخ کرانے والے مسافروں کو بھی استثنیٰ ہوگا۔
گزشتہ روز جاری بیان میں وفاقی اتھارٹی برائے شناخت و شہریت (آئی سی پی) ترجمان نے کہا کہ استثنیٰ کا فیصلہ اُن افراد کے لیے ہے جو فضائی حدود کی بندش اور پروازوں کی معطلی کے باعث ملک چھوڑنے سے قاصر رہے۔
واضح رہے کہ عام حالات میں ویزا کی مدت ختم ہونے کے بعد ملک میں قیام پر فی دن 50 درہم جرمانہ عائد کیا جاتا ہے۔
یو اے ای نے ایرانی میزائلوں اور ڈرونز کو فضا میں ہی تباہ کردیا
