بگ بیش لیگ میں پاکستانی آل راؤنڈر شاداب خان نے تباہ کرن بولنگ کرتے ہوئے برسبین ہیٹ کے بیٹرس کے ہوش اڑا دیے۔
پاکستانی کرکٹر شاداب خان جو کہ بی بی ایل میں سڈنی تھنڈرز کی نمائندگی کررہے ہیں وہ اپنی ٹیم کی جانب سے برسبین ہیٹ کے بیٹرز پر خوب گرجے اور عمدہ بولنگ کرتے ہوئے 4 وکٹیں اپنے نام کیں۔
شاداب کی گگلی کے آگے برسبین کے بیٹرس بےبس نظر آئے، انھوں نے اپنی چکمہ دیتی گیندوں سے دو بیٹرز کو کلین بولڈ کیا جبکہ ایک بیٹر اسٹمپ اور ایک ایکچ آؤٹ ہوا۔
سڈنی تھنڈر کے لیگ اسپنر شاداب خان نے نپی تلی بولنگ کرتے ہوئے 4 اوورز میں 24 رنز دے کر 4 وکٹیں اپنے نام کیں۔
فاتح ٹیم کی جانب سے دیے گئے 194 رنز کے ہدف کے تعاقب میں برسبین ہیٹ کی ٹیم مقررہ اوورز میں 6 وکٹوں کے نقصان پر 159 رنز تک محدود رہی۔
