کراچی(21 ستمبر 2025): شہر قائد کے علاقے شاہ لطیف ٹاؤن میں قرضہ واپس مانگنے پر مبینہ ملزم نے میاں بیوی کو تشدد کا نشانہ بنایا ہے۔
تفصیلات کے مطابق کراچی کے علاقے شاہ لطیف ٹاؤن میں قرضہ واپس مانگنے پر مبینہ ملزم نے میاں بیوی کو تشدد کا نشانہ بنایا ہے اور گلی میں گھسیٹا ہے۔
متاثرہ خاتون کا کہنا ہے کہ سرور نامی شخص نے مکان کے عوض چار لاکھ لئے تھے، گھر تو نہیں دیا اپنا حق مانگنے پر کئی لوگوں کے سامنے تذلیل کی گئی۔
میاں بیوی نے تھانہ شاہ لطیف کے پولیس کو بتایا کہ ہم غریب مزدور ہیں جو جمع پونجی تھی انہیں دی، تاہم جب پولیس واقعے کی جگہ پہنچی تو ملزم گھر کو تالا لگا کر فرار ہوگئے۔
