حکومت کی کفایت شعاری پالیسی کے تحت پاسپورت دفاتر کے اوقات کار میں تبدیلی کردی گئی ہے۔
اے آر وائی نیوز کے مطابق امیگریشن اینڈ پاسپورٹس کا نیا شیڈول جاری کیا گیا ہے جس کے مطابق دفاتر ہفتے میں چار دن کھلیں گے۔
سرکلر کے مطابق پاسپورٹ دفاتر پیر سے جمعرات تک کھلے رہیں گے۔
یہ پڑھیں: شادی شدہ خواتین کے پاسپورٹ سے متعلق بڑا فیصلہ
سرکلر میں کہا گیا ہے کہ 24 گھنٹے کام کرنے والے ریجنل پاسپورٹ دفاتر معمول کے مطابق کام کریں گے، اسلام آباد آسان خدمت سینٹر کا شفٹ سسٹم برقرار رہے گا۔
واضح رہے کہ نیا شیڈول ڈائریکٹر جنرل امیگریشن اینڈ پاسپورٹس کی منظوری سے جاری کیا گیا ہے۔
یاد رہے کہ کفایت شعاری پالیسی کے تحت تعلیمی ادارے بھی 16 سے 31 مارچ تک بند رہیں گے جبکہ سرکاری اور نجی دفاتر میں بھی اوقات کار تبدیل کیے گئے ہیں اور سرکاری افسران کے فیول میں بھی کمی کی گئی ہے۔
