بھارت کی آئرلینڈ سے ہار پر سابق کپتان سوریا کمار یادیو کو صحافی وکرانت گپتا کو بھیجا گیا واٹس ایپ پیغام وائرل ہوگیا ہے۔
بھارتی صحافی وکرانت گپتا نے دعویٰ کیا کہ بھارت کی آئرلینڈ کے ہاتھوں سیریز میں شکست پر میں غصے میں تھا اور پتا نہیں کیا کچھ کہہ رہا تھا اس دوران سوریا کمار کا پیغام آیا جو حرف بہ حرف پڑھ کر سنا دیتا ہوں۔
انہوں نے بتایا کہ وہ پرائیویٹ میسج میں کچھ بھی لکھ سکتے تھے لیکن انہوں نے کہا کہ پاجی کوئی بات نہیں، ٹیم اچھا کرے گی، لڑکوں پر مجھے بھروسہ ہے۔
وکرانت گپتا نے کہا کہ نیو کلچر اور نیو آئیڈیا اپنانے پر کامیابی حاصل کرنے میں تھوڑا وقت لگے گا۔
Suryakumar Yadav sent a WhatsApp message to Vikrant Gupta after India’s defeat against Ireland
Surya said – “New culture ko adapt karne me time lagega. Bharosa hai apne ko ladko par”
pic.twitter.com/X6CXBzUawG
— Ajay Jadeja (@AjayJadeja171) June 29, 2026
واضح رہے کہ ورلڈ چیمپئن بھارت کو آئرلینڈ کے خلاف ٹی 20 میں تاریخی شکست ہوئی ہے جس پر سابق کرکٹرز اور کرکٹ حلقوں کی جانب سے ٹیم پر کڑی تنقید کی جارہی ہے۔
یاد رہے کہ بھارت کو ٹی 20 چیمپئن بنوانے والے سوریا کمار یادیو سے خراب فارم کی وجہ سے کپتانی واپس لی گئی اور انہیں ٹیم سے بھی ڈراپ کردیا گیا تھا جبکہ کپتانی شریاس ایئر کو سونپی گئی تھی جن کی قیادت میں بھارت کو کمزور حریف آئرلینڈ سے شکست کا مزہ چکھنا پڑا۔
اس شکست کے ساتھ ہی بھارت کا مسلسل تین سال تک ٹی 20 سیریز میں ناقابل شکست رہنے کا ریکارڈ بھی چکنا چور ہوگیا۔
