نیشنل الیکٹرک پاور ریگولیٹری اتھارٹی (نیپرا) کے اعلان کردہ ٹیرف پر کے الیکٹرک کی وضاحت آگئی۔
ترجمان کے الیکٹرک کا کہنا ہے کہ نیپرا کی جانب سے حالیہ اعلان کردہ ٹیرف میں کمی صارفین پر بلوں پر لاگو نہیں ہوگا۔
ترجمان کا کہنا ہے کہ صارفین سے وصول کی جانے والی رقم مین کوئی تبدیلی یا کمی نہیں کی گئی ہے۔
KE Spokesperson clarifies, “the recent announcement by the regulator is not applicable to customer bills. Therefore, there is no change or reduction in what customers will be charged.”
— Imran Rana, Spokesperson, K-Electric (@imranrana21) October 21, 2025
واضح رہے کہ نیشنل الیکٹرک پاور ریگولیٹری اتھارٹی (نیپرا) نے کے الیکٹرک کی ملٹی ایئر ٹیرف 2024 تا 2030 سے متعلق درخواستوں پر فیصلہ جاری کیا تھا۔
فیصلہ جنریشن، ٹرانسمیشن، ڈسٹری بیوشن اور سپلائی بزنس کے مختلف پہلوؤں پر محیط ہے۔
یہ پڑھیں: نیپرا کا بڑا فیصلہ ! کے الیکٹرک کے بھاری بلوں سے پریشان صارفین کے لئے بڑی خوشخبری
نیپرا نے کے الیکٹرک کا اوسط ٹیرف 39.97 روپے فی یونٹ سے کم کر کے 32.37 روپے فی یونٹ کرنے کا فیصلہ سنایا تھا۔
اتھارٹی نے کے الیکٹرک کے 50 ارب روپے کے رائٹ آف کلیمز سے متعلق اپنا سابقہ فیصلہ برقرار رکھا اور کہا تھا کہ فیصلے میں ترمیم یا تبدیلی کی کوئی بنیاد نہیں پائی گئی۔
نیپرا کا کہنا تھا کہ نظرِ ثانی شدہ فیصلے میں ٹیرف سے متعلق چند نکات میں ترامیم کی گئی ہیں، جن سے کے ای کے نرخ میں فی یونٹ 4 سے 5 روپے تک کمی متوقع ہے۔
