واشنگٹن : امریکی صدر ڈونلڈ ٹرمپ نے کہا ہے کہ مذاکرات کے لیے اچھی ٹیم پاکستان بھیجی ہے، جے ڈی وینس، جیرڈکشنر، اسٹیووٹکوف اسلام آباد مذاکرات میں شرکت کریں گے۔
واشنگٹن میں میڈیا سے گفتگو کرتے ہوئے انہوں نے کہا کہ ایران میں پہلے ہی رجیم ہوچکی ہے لیکن ہمارا یہ مقصد نہیں ہے، ہم 99 فیصد یہ چاہتے ہیں کہ ایران کے پاس ایٹمی ہتھیار نہ ہوں۔
ایک سوال کے جواب میں ٹرمپ نے کہا کہ ہمارے لیے یہ ڈیل اچھی ہوگی کہ ایران کے پاس ایٹمی ہتھیار نہ ہوں، اس کو ایٹمی ہتھیار بنانے کی اجازت کسی صورت نہیں دی جائے گی۔
امریکی صدر نے کہا کہ آبنائے ہرمز بہت جلد مکمل کھل جائے گا، یاد رکھیں !! ہم ویسے بھی آبنائے ہرمز کو استعمال نہیں کرتے، دوسرے ممالک کرتے ہیں۔
ٹرمپ نے کہا کہ میں یہ کہہ سکتا ہوں کہ آبنائے ہرمز کو بہت جلد کھول دیا جائے گا، ہمیں کسی بیک پلان کی ضرورت نہیں، ہم نے ایران کی فوج ختم کردی ہے۔
ان کا مزید کہنا تھا کہ ایران کے پاس میزائل بنانے کی صلاحیت بہت کم رہ گئی ہے، دیکھتے ہیں کہ آج مذاکرات میں کیا ہوتا ہے؟
