کراچی (17 مارچ 2026): سندھ حکومت نے صوبے بھر میں عید الفطر 2026 کی چھٹیوں کا نوٹیفکیشن جاری کر دیا۔
چیف سیکریٹری سندھ کی جانب سے جاری نوٹیفکیشن کے مطابق عید الفطر کی تعطیلات کی منظوری دے دی گئی، صوبے بھر میں 20 اور 21 مارچ کو عید تعطیلات ہوں گی۔
واضح رہے کہ وفاقی حکومت نے بھی عید کی چھٹیوں کے حوالے سے نوٹیفکیشن جاری کیا جس کے مطابق 20 اور 21 مارچ کو چھٹیاں ہوں گی۔
یہ بھی پڑھیں: عید پر 7 چھٹیاں، خلیجی ملک کا اعلان
وزیر اعظم شہباز شریف کی منظوری کے بعد کابینہ ڈویژن نے نوٹیفکیشن جاری کیا جس میں کہا گیا کہ ہفتے میں 5 یا 6 دن کام کرنے والے تمام دفاتر میں جمعہ اور ہفتہ کو عید کی چھٹی ہوگی۔
جبکہ 22 مارچ کو اتوار کا دن ہے اور 23 مارچ کو بھی سرکاری چھٹی ہوگی، اس طرح عید پر سرکاری ملازمین کو جمعہ، ہفتہ، اتوار اور پیر کی 4 چھٹیاں ملیں گی۔
