پرتگال کے اسٹار فٹبالر کرسٹیانو رونالڈو نے فیفا ورلڈ کپ میں ایک اور تاریخ رقم کردی ہے۔
پرتگال کے اسٹار فٹبالر کرسٹیانو رونالڈو 6 مختلف ورلڈ کپ ایڈیشنز میں گول کرنے والے دنیا کے پہلے کھلاڑی بن گئے ہیں، انہوں نے یہ اعزاز ازبکستان کے خلاف میچ میں حاصل کیا ہے۔
رونالڈو نے میچ کے چھٹے منٹ میں جواؤ کینسلو کے شاندار کراس پر دائیں پیر سے گول کیا اور ورلڈ کپ کی تاریخ کا منفرد ریکارڈ اپنے نام کیا۔
اسٹار فٹبالر نے 2006، 2010، 2014 میں ایک، ایک، 2018 میں 4 اور 2022 میں بھی ایک گول کیا تھا۔
یہ پڑھیں: رونالڈو نے کانگو سے میچ ڈرا ہونے کے بعد کیا کہا؟
علاوہ ازیں 41 سالہ فٹبالر اس کے ساتھ ورلڈ کپ تاریخ کے دوسرے سب سے عمر رسیدہ گول اسکورر بھی بن گئے ہیں جبکہ یہ ریکارڈ کیمرون کے راجر میلا کے پاس برقرار ہے۔
لیونل میسی بھی اس سال چھٹے ورلڈ کپ میں شریک ہیں تاہم وہ ہر ایڈیشن میں گول کرنے کا اعزاز حاصل نہیں کر سکے۔
