شوبز انڈسٹری کی معروف اداکارہ درفشاں سلیم کی نئی تصاویر نے لوگوں کی توجہ حاصل کرلی ہے۔
فوٹو اور ویڈیو شیئرنگ ایپ انسٹاگرام پر اداکارہ درفشاں سلیم نے چند تصاویر شیئر کیں جس میں انہیں لان کا سوٹ زیب تن کیے خوشگوار موڈ میں دیکھا جاسکتا ہے۔
اداکارہ نے ویڈیو بھی شیئر کی جس میں وہ شیشے کے سامنے کھڑا ہوکر مسکرا رہی ہیں۔
درفشاں سلیم نیلے رنگ کے سوٹ میں انتہائی خوبصورت لگ رہی ہیں، انہوں نے لکھا کہ ’ایزی بریزی سمر فٹس لائیو ناؤ۔‘
انہوں نے چند دنوں قبل یہ تصاویر شیئر کیں جسے ہزاروں کی تعداد میں مداح دیکھ چکے ہیں اور اس پر تعریفی کمنٹس بھی کررہے ہیں۔
اداکارہ کی تصاویر کی ساتھی فنکارہ نوشین شاہ کی جانب سے بھی سراہا گیا۔
درفشاں سلیم کے انسٹاگرام پر فالوورز کی تعداد 8.3 ملین سے زائد ہے اور وہ سوشل میڈیا پر کافی متحرک رہتی ہیں اور مداحوں کو اپنے کام اور سرگرمیوں سے متعلق اپ ڈیٹ رکھتی ہیں۔
انہوں نے اے آر وائی ڈیجیٹل کے ڈرامہ سیریل ’کیسی تیری خود غرضی‘ سے شہرت حاصل کی جبکہ وہ اس سے قبل ’پردیس‘ میں بھی اداکاری کے جوہر دکھا چکی ہیں۔
یاد رہے کہ اداکارہ نے حال ہی میں والدین کے ساتھ حج کی سعادت حاصل کی ہے، مداحوں کی جانب سے انہیں حج کی مبارکباد بھی پیش کی گئی تھی۔
