بھارت، انگلینڈ کو 7 رنز سے شکست دے کر ٹی 20 ورلڈ کپ کے فائنل میں پہنچ گیا۔
ممبئی کے وانکھیڑے اسٹیڈیم میں کھیلے گئے میچ میں بھارت کی جانب سے دیے گئے 254 رنز کے تعاقب میں انگلینڈ کی ٹیم 7 وکٹ کے نقصان پر 246 رنز بناسکی، سنجو سیمسن کو شاندار اننگز کھیلنے پر میچ کا بہترین کھلاڑی قرار دیا گیا۔
View this post on Instagram
بھارت اور نیوزی لینڈ کے مابین فائنل اتوار کو احمد آباد میں کھیلا جائے گا۔
جیکب بیتھل کی 48 گیندوں پر 105 رنز کی اننگز رائیگاں گئی، ان کی اننگ میں 8 چوکے اور 7 چھکے شامل تھے، جوز بٹلر 25 اور ول جیکس 5 رنز بنا کر آؤٹ ہوئے۔
View this post on Instagram
بھارت کی جانب سے ہاردک پانڈیا نے دو کھلاڑیوں کو آؤٹ کیا، جسپریت بمراہ، ارشدیپ سنگھ، اکشر پٹیل نے ایک، ایک وکٹ حاصل کی۔
View this post on Instagram
ممبئی کے وانکھیڑے اسٹیڈیم میں کھیلے جارہے میچ میں بھارت نے پہلے بیٹنگ کرتے ہوئے مقررہ اوورز میں 7 وکٹوں کے نقصان پر 253 رنز بنائے اور انگلینڈ کو جیت کے لیے 254 رنز کا ہدف دیا۔
اوپنر سنجو سیمسن کا ہیری بروک نے آسان کیچ ڈراپ کیا جس کے بعد انہوں نے 42 گیندوں پر 89 رنز کی شاندار اننگز کھیلی، شیوم دوبے 43 اور ایشان کشن 39 رنز کے ساتھ نمایاں رہے۔
View this post on Instagram
ہاردک پانڈیا 27 رنز بنا کر رن آؤٹ ہوئے، تلک ورما نے جارحانہ 21 رنز بنائے۔
View this post on Instagram
انگلینڈ کی جانب سے ول جیکس اور عادل رشید نے دو، دو کھلاڑیوں کو پویلین کی راہ دکھائی۔
View this post on Instagram
انگلش کپتان ہیری بروک نے ٹاس جیت کر سوریا کمار یادیو الیون کو پہلے بیٹنگ کی دعوت دی تھی۔
View this post on Instagram
گزشتہ روز کھیلے گئے پہلے سیمی فائنل میں فن الیون کی 33 گیندوں پر ناقابل شکست سنچری کی بدولت نیوزی لینڈ نے جنوبی افریقا کو 9 وکٹوں سے شکست دے کر فائنل میں رسائی حاصل کی ہے۔
سابق کرکٹر محمد عامر نے انگلینڈ کو بھارت کے خلاف فیورٹ قرار دیا ہے۔
واضح رہے کہ اس سے قبل انگلینڈ کی ٹیم ورلڈ کپ میں بھارت کو 10 وکٹوں سے شکست دے چکی ہے۔
