ایلو ویرا جسے (گھیکوار) جلد، بالوں اور معدے کے لیے ایک انتہائی مفید قدرتی جڑی بوٹی ہے، جو وٹامنز، منرلز اور اینٹی آکسیڈنٹس سے بھرپور ہے۔
اس کا تازہ جیل براہ راست جلد اور بالوں پر لگا کر یا جوس کی صورت میں (روزانہ 1-2 چمچ) استعمال کیا جا سکتا ہے۔ یہ قبض کشا، جلد کو نرم و چمک دار بنانے، سوزش کم کرنے اور جسم سے زہریلے مادوں کے اخراج (ڈیٹوکس) میں کافی مددگار ہے۔
ایلو ویرا کھانے کا کیا طریقہ ہے اور اسے کیسے اور کتنا استعمال کرنا چاہیے اس حوالے سے حکیم عبد الباسط نے بتایا کہ ایلو ویرا کے درمیانے سائز (تقریباً 10 گرام) کے ٹکڑے کاٹ کر اس کا چھلکا اتار لیں اور جب اسے کھائیں تو چبانا نہیں ہے بلکہ فوری طور پر نگل لینا ہے کیونکہ اس کا کڑوا پن بہت سے لوگوں کیلیے ناقابل برداشت ہوتا ہے۔
انہوں نے بتایا کہ بازار میں ملنے والے ایلوویرا جیل میں پیلے رنگ کا مواد نہیں نکالا جاتا جو صحت کیلیے نقصان دہ ہے۔
