لمبے اور گھنے بالوں کی صحت کا خیال نہ رکھا جائے تو خشک اور بے جان ہوکر بال گرنے لگتے ہیں، جس کیلیے ضروری ہے کہ اس کی نشونما اور خوبصورتی برقرار رکھنے کیلیے مفید مشوروں پر عمل کیا جائے۔
اس حوالے سے اے آر وائی ڈیجیٹل کے پروگرام گڈ مارننگ پاکستان میں بیوٹی ایکسپرٹ نیہا خان نے خواتین کو بالوں کی نگہداشت اور ان کی صحت و خوبصورتی میں اضافے کیلیے مخصوص اقسام کے آئل سے متعلق اہم باتیں بتائیں۔
انہوں نے کہا کہ بال گرنے سے بچانے اور فوری علاج کیلیے بایوٹین آئل اور روز میری آئل بہت اہمیت رکھتے ہیں، یہ آئل بازار میں آسانی سے دستیاب ہیں اگر نہ مل سکیں یا کوئی بیش قیمت ہونے کی وجہ سے نہ خرید سکیں گھر میں بھی بنایا جاسکتا ہے۔
بایوٹین آئل بنانے کا طریقہ بیان کرتے ہوئے انہوں نے کہا کہ اس کیلیے ایک بوتل ناریل کا تیل (کوکونٹ آئل) لیں اس کے اندر پسا ہوا خشک ’روز میری‘ کے تین سے چار چمچ ڈال دیں۔
اب اس کو پکنے کیلیے رکھ دیں اور جب وہ ابلنے لگے تو اسے ٹھنڈا کرلیں اس کے علاوہ اس میں بایوٹین کا ایک کیپسول بھی شامل کرلیں۔ اس تیل سے سر میں اس تیل سے مالش کریں اس کا بہت بہترین رزلٹ ملے گا نہ صرف بال کرنا بند ہوجائیں گے بلکہ ان کی افزائش بھی اچھی ہوگی۔
بایوٹین ایک وٹامن ہے جو کھانے کو توانائی میں تبدیل کرنے اور جلد، بالوں اور ناخنوں کی صحت کے لیے ضروری ہے، جبکہ روز میری ایک خوشبودار جڑی بوٹی ہے جس میں مختلف طبی فوائد ہیں، جیسے یادداشت بہتر کرنا اور ہاضمے میں مدد کرنا۔
بایوٹین آئل اور روز میری آئل دونوں ہی بالوں کے لیے مفید ہیں، لیکن ان کے فوائد مختلف ہیں۔ روز میری آئل (اکلیل کوہستانی کا تیل) بالوں کی نشوونما کو فروغ دیتا ہے اور یادداشت بہتر بنانے میں مدد کرتا ہے، جبکہ بایوٹین آئل بال اور جلد کی صحت کے لیے استعمال کیا جاتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ : مندرجہ بالا تحریر معالج کی عمومی رائے پر مبنی ہے، کسی بھی نسخے یا دوا کو ایک مستند معالج کے مشورے کا متبادل نہ سمجھا جائے۔
