ہائر ایجوکیشن کمیشن (ایچ ای سی) نے بیرون ملک مقیم اسکالرز کے لیے نئی پالیسی بنانے کا فیصلہ کرلیا ہے۔
اے آر وائی نیوز کے مطابق سرکاری خرچ پر پی ایچ ڈی کے لیے جانے والے اسکالرز کے لیے نئی پالیسی بنانے پر غور شروع کردیا ہے۔
بیرون ملک پی ایچ ڈی میں ناکام ہونے والے اسکالرز پر جرمانہ ختم کرنے کی تجویز دی گئی ہے۔
ذرائع کا بتانا ہے کہ مطلوبہ وقت میں ڈگری مکمل نہ کرنے والے اسکالرز کو ہراساں نہیں کیا جائے گا۔
ایچ ای سی کا کہنا ہے کہ دنیا بھر میں پی ایچ ڈی میں ناکامی کی شرح 50 فیصد جبکہ پاکستان میں صرف 5 فیصد کے قریب ہے۔
ہائر ایجوکیشن کمیشن نئی پالیسی کے تحت اسکالرز سے لیے جانے والے حلف نامے میں ترامیم کرے گا۔
علاوہ ازیں اسکالرز کے لیے بانڈ کی شرائط اور پانچ سالہ پابندی کی شق پر بھی نظرثانی کی جارہی ہے جبکہ ڈگری مکمل نہ کرنے اور بیرون ملک سکونت اختیار کرنے والے طلبا پر جرمانہ ہوگا۔
نئی پالیسی میں سیاسی پناہ کی حوصلہ شکنی سمیت دیگر اہم شقیں بھی شامل کی جائیں گی۔
