سابق بھارتی اسپنر ہربھجن سنگھ نے بھارتی بیٹرز کو عثمان طارق سے خبردار کردیا ہے۔
سابق کرکٹر ہربھجن سنگھ نے کہا کہ عثمان طارق اچھے اسپنر ہیں انہیں بھارتی بیٹرز کو سنبھل کر کھیلنا ہوگا، میچ کے نتیجے میں عثمان طارق کا کردار بہت اہم ہوگا۔
ہربھجن سنگھ نے مشورہ دیا کہ بھارتی ٹیم پاکستان کے خلاف دباؤ میں نہ آئے۔
دوسری جانب سنیل گواسکر کا کہنا ہے کہ جس گراؤنڈ میں میچ ہو رہا ہے اس کی باؤنڈریز کافی لمبی ہیں۔ اگر اس میچ کے لیے درمیان کی پچ ملے گی تو دونوں طرف کی باؤنڈری برابر ہوگی۔
سنیل گواسکر نے کہا کہ بھارت نے ابرار کے خلاف میچز کھیلے تو زیادہ تکلیف نہیں ہوگی، عثمان طارق نئے ہیں لیکن مجھے نہیں لگتا کوئی زیادہ پریشانی ہوگی۔
سابق کرکٹر نے کہا کہ اگر گیند گھومنے والی ہے تو پریشانی کسی کو بھی ہو سکتی ہے۔
اس سے قبل پاکستان کے سابق ٹیسٹ کرکٹر باسط علی نے کہا تھا کہ ابھی میچ ہوا نہیں کہ عثمان طارق کو لے کر اتنا شور مچا دیا ہے۔ انہیں میچ سے پہلے ہی عثمان طارق کا خوف ہے۔
