کراچی : یورپی ملک مالڈووا نے کراچی میں اپنا اعزازی قونصلیٹ قائم کردیا، جسے دونوں ممالک کے تعلقات میں مثبت پیش رفت قرار دیا گیا ہے۔
کراچی میں مالڈووا کے عزازی قونصلیٹ کی افتتاحی تقریب منعقد ہوئی، جس میں سفارتی، کاروباری اور فنونِ لطیفہ سے وابستہ شخصیات نے شرکت کی۔
کراچی میں تعینات مالڈووا کے اعزازی قونصل جنرل کاشف علی کا کہنا تھا کہ کراچی میں قونصلیٹ کے قیام سے پاکستان اور مالڈووا کے درمیان سیاحت، تجارت اور تعلیمی روابط کو فروغ ملے گا۔
دیگر مقررین نے کراچی میں اعزازی قونصلیٹ کے قیام کو دونوں ممالک کے تعلقات میں مثبت پیش رفت قرار دیا گیا، جبکہ طلبہ کے تبادلہ پروگرام اور دیگر شعبوں میں تعاون بڑھانے پر بھی زور دیا گیا۔
تقریب میں مختلف ممالک کے سفارتی نمائندوں، آئیوری کوسٹ کے اعزای قونصل جنرل فضل کریم دادا بھائی, جاپان کے قو نصل جنرل سمیت کاروباری شخصیات اور شوبز سے وابستہ افراد نے بھی شرکت کی۔
بعد ازاں تقریب کے اختتام پر مہمانوں کو یادگاری شیلڈز پیش کی گئیں اور کیک کاٹا گیا۔
