کراچی : لیاری ایکسپریس وے کا ایک ٹریک عارضی طور پر ٹریفک کے لیے بند کردیا گیا ہے، شہری آمدو رفت کیلیے متبادل راستہ اختیار کریں، موٹر وے پولیس نے اعلامیہ جاری کردیا۔
اس حوالے سے ترجمان موٹر وے پولیس کا کہنا ہے ایف ڈبلیو او کی جانب سے لیاری ایکسپریس وے پر ترقیاتی کام جاری ہے۔
جس کی وجہ سے گارڈن انٹر چینج سے ماڑی پور جانے والا ٹریک ہر قسم کی ٹریفک کے لیےعارضی طور پر بند کردیا گیا ہے۔ لیاری ایکسپریس وے بحالی کے کام کی وجہ سے کل صبح یا دوپہر تک بند رہے گا۔
ترجمان موٹر وے پولیس کے مطابق سہراب گوٹھ، حسن اسکوائر سے ماڑی پور جانے والا ٹریفک گارڈن سے شہر کی جانب موڑا جارہا ہے۔ تمام شہریوں کو مطلع کیا جاتا ہے کہ دوران سفر پریشانی سے بچنے کیلئے متبادل راستے اختیار کریں۔
