پی ایس ایل 11 کے 17ویں میچ میں پشاور زلمی نے کراچی کنگز کو 159 رنز سے شکست دے دی۔
کراچی کے نیشنل بینک اسٹیڈیم میں کھیلے گئے میچ میں پشاور زلمی کی جانب سے دیے گئے 247 رنز کے تعاقب میں کراچی کنگز کی ٹیم 16.1 اوورز میں 87 رنز بنا کر آؤٹ ہوگئی۔
اوپنر ڈیوڈ وارنر اور محمد وسیم بغیر کوئی رن بنائے پویلین لوٹ گئے۔
جارح مزاج بیٹر اعظم خان 25 رنز بنا کر آؤٹ ہوئے، سعد بیگ 14 اور خوشدل شاہ 10 رنز بناسکے۔
پشاور زلمی کی جانب سے افتخار احمد، سفیان مقیم اور ناہید رانا نے تین، تین کھلاڑیوں کو آؤٹ کیا۔
پشاور زلمی نے پہلے بیٹنگ کرتے ہوئے مقررہ اوورز میں 3 وکٹ کے نقصان پر 246 رنز بنائے اور کراچی کنگز کو جیت کے لیے 247 رنز کا ہدف دیا تھا۔
بابر اعظم اور کوشل مینڈس کے درمیان 191 رنز کی ریکارڈ شراکت ہوئی اس سے قبل بابر اور شرجیل نے کراچی کنگز کے لیے اسلام آباد کے خلاف 176 رنز کی شراکت بنائی تھی۔
View this post on Instagram
کوشل مینڈس نے 52 گیندوں پر 109 رنز کی اننگز کھیلی، ان کی اننگ میں 4 چھکے اور 14 چوکے شامل تھے، بابر اعظم بھی 87 رنز کے ساتھ نمایاں رہے، عبدالصمد نے 12 گیندوں پر 40 رنز کی برق رفتار اننگز کھیلی۔
View this post on Instagram
اوپنر محمد حارث بغیر کوئی رن بنائے آؤٹ ہوئے، مائیکل بریسیول 6 رنز بناسکے۔
کراچی کنگز کی جانب سے عباس آفریدی نے دو کھلاڑیوں کو آؤٹ کیا، خوشدل شاہ ایک وکٹ حاصل کرسکے۔
View this post on Instagram
کراچی کنگز کے کپتان ڈیوڈ وارنر نے ٹاس جیت کر پشاور زلمی کو پہلے بولنگ کی دعوت دی تھی۔
کراچی کنگز میں حسن علی کی جگہ محمد حمزہ کو ڈیبیو کروایا گیا ہے، پشاور زلمی کی ٹیم میں کوئی تبدیلی نہیں کی گئی ہے۔
View this post on Instagram
بابر اعظم کا کہنا تھا کہ کوشش کریں گے پہلے 6 اوور کا اچھا استعمال کریں، مڈل اوورز میں بھی مثبت کرکٹ کھیلنے کی کوشش کریں گے۔
ڈیوڈ وارنر کا کہنا تھا کہ لگتا ہے پچھلے میچوں کی طرح یہ پچ بھی سلو ہوگی، کوشش ہوگی پشاور زلمی کو کم اسکور تک محدود رکھیں۔
واضح رہے کہ اس سے قبل کھیلے گئے میچ میں اسلام آباد یونائیٹڈ نے لاہور قلندرز کو 9 وکٹوں سے شکست دی تھی۔
