کراچی : ملیر الفلاح کے علاقے میں نامعلوم افراد نے مقامی شہری کو انسانیت سوز تشدد کا نشانہ بنا ڈالا، ویڈیو سوشل میڈیا پر وائرل ہوگئی۔
ملزمان نے ایک بے گناہ شہری کو برہنہ کرکے اس پر بدترین تشدد کیا، ملزمان نے تشدد کی ویڈیو سوشل میڈیا پر وائرل کردی۔
ویڈیو وائرل ہونے کے بعد ایس ایس پی کورنگی نے واقعے کا سختی سے نوٹس لیا، پولیس نے کارروائی کرتے ہوئے نجی ٹارچر سیل پر چھاپہ مارا تاہم ملزمان فرار ہونے میں کامیاب ہوگئے۔
معاملے کی مزید چھان بین کیلیے پولیس نے تشدد کا نشانہ بننے والے شہری کی تلاش شروع کردی ہے۔
