کراچی : انسپکٹر جنرل (آئی جی) پولیس سندھ غلام نبی میمن کی مدت ملازمت کی تکمیل کے بعد کراچی پولیس چیف جاوید عالم اوڈھو کو آئی جی سندھ مقرر کردیا گیا۔
حکومت سندھ نے کراچی پولیس چیف ایڈیشنل آئی جی جاوید عالم اوڈھو کو قائم مقام آئی جی مقرر کیا تھا۔
واضح رہے کہ پولیس سروس آف پاکستان کے گریڈ 22 کے افسر غلام نبی میمن انسپکٹر جنرل پولیس سندھ کے عہدے سے آج ریٹائر ہوگئے۔ وفاقی حکومت کی منظوری کے بعد اسٹیبلشمنٹ ڈویژن نے نوٹیفکیشن جاری کیا
جاوید عالم اوڈھو نے 11 جولائی 1998 کو سندھ پولیس جوائن کی، ان کی پہلی پوسٹنگ ڈویژنل پولیس آفیسر لاڑکانہ تعیناتی تھی۔
جاوید اوڈھو ڈی پی او گھوٹکی، بدین، داد، جام شورو بھی تعینات رہے، ایس پی اسپیشل برانچ کے بعد ٹھٹھہ، مٹیاری اور حیدرآباد بھی رہے، وہ ڈی آئی جی ویسٹ کراچی، اسپیشل برانچ سکھر، آر آر ایف بھی رہے ہیں۔
