اداکارہ و میزبان جگن کاظم نے ماضی میں خاتون مداح کے ساتھ پیش آیا واقعہ بیان کردیا۔
جگن کاظم گزشتہ 3 دہائیوں سے شوبز انڈسٹری سے وابستہ ہیں، انہوں نے حال ہی میں نجی ٹی وی کے پروگرام میں شرکت کی اور اس دوران تلخ تجربے سے پردہ اٹھایا۔
اداکارہ نے کہا کہ اس وقت میری والدہ کی طبیعت خراب تھی اور میں شدید پریشانی میں تھی، وہ خود اسپتال جانے کی حالت میں نہیں تھیں اور میں مارکیٹ میں کسی ایسے ڈاکٹر کی تلاش کر رہی تھی جو گھر آ کر معائنہ کر سکے۔
جگن کاظم نے بتایا کہ میں اس صورت حال میں بہت پریشان تھی اور آنکھوں میں آنسو بھی تھے، اسی دوران ایک مداح لڑکی مجھے ویڈیو میں ریکارڈ کرنے لگی، میں ذہنی طور پر اس قدر دباؤ میں تھی کہ میں اسے روک بھی نہ سکی اور وہ لڑکی ویڈیو بنا کر چلی گئی۔
اداکارہ نے اس واقعے پر افسوس کا اظہار کرتے ہوئے کہا کہ فنکار بھی انسان ہوتے ہیں اور انہیں بھی پرائیویسی کی ضرورت ہوتی ہے۔
یہ پڑھیں: شوہر کی سابقہ اہلیہ سے کیسا رشتہ ہے؟ جگن کاظم نے بتا دیا
اس سے قبل پوڈ کاسٹ میں انہوں نے بتایا تھا کہ کس طرح وہ اپنے شوہر کے سابقہ خاندان اور ان کے درمیان ایک پل بن گئیں۔
اداکارہ کا کہنا تھا کہ ان کے بچوں کو ابتدائی طور پر انہیں قبول کرنے میں مشکلات کا سامنا کرنا پڑا کیونکہ وہ ابھی نوعمر تھے۔ وقت کے ساتھ، وہ انہیں قبول کرنے کے قابل ہو گئے. وہ بھی اس کے بعد جب اس نے انہیں بٹھایا اور کہا کہ وہ ان کی ماں بننے کی کوشش نہیں کر رہی ہے۔ وہ صرف ایک دوستانہ رویہ چاہتی ہیں اور وہ ان کے ساتھ اچھے تعلقات رکھنا چاہتی ہیں۔
ان کا کہنا تھا کہ ان کے شوہر کی سابقہ اہلیہ عائدہ بھی ایک مضبوط خاتون ہیں اور ان کے ساتھ ان کا بہت احترام کا رشتہ ہے۔
