لاہور: مرشد کے عرس پر فینسی لائٹس کیلئے پیسے مانگنے پر معتقدین غصے میں آگئے، ملزمان نے دکاندار کو تشدد کا نشانہ بنایا۔
شاہدرہ ٹاؤن میں مرشد کے عرس پر فینسی لائٹس کیلئے پیسے مانگنے پر دکاندار پر تشدد کرنے کا واقعہ پیش آیا ہے، 15 سے زائد ملزمان نے فینسی لائٹس کے پیسے مانگنے پر دکاندار کے ساتھ مار پیٹ کی جس کی فوٹیج سامنے آگئی۔
پولیس نے بتایا کہ دکاندار نے عرس کی تقریب کیلئے فینسی لائٹس لگائی تھیں، تقریب کے اختتام پر دکاندار نے 75 ہزار روپے کا بل بھجوایا۔
دکاندار نے بل کی ادائیگی کا مطالبہ کیا جس پر ملزمان نے دھاوا بولا اور تشدد کیا جس کے بعد تمام افراد موقع سے فرار ہوگئے۔
پولیس نے بتایا کہ تھانہ شاہدرہ ٹاون میں 2 نامزد اور 15 نامعلوم ملزمان کےخلاف مقدمہ درج کرلیا گیا ہے، ملزمان کی گرفتاری کےلیے چھاپے مارے جارہے ہیں۔
