(6 ستمبر 2025): خیبر پختونخوا کے ضلع لکی مروت میں دہشت گردوں نے اغوا کیے گئے پولیس اہلکار زینت اللہ کو شہید کردیا۔
تفصیلات کے مطابق لکی مروت میں دہشت گردوں نے اغوا کیے گئے پولیس اہلکار زینت اللہ کو شہید کردیا، اہلکار کی لاش وانڈہ فتح خان جنوبی کے قریب سڑک سے ملی ہے۔
پولیس کا کہنا ہے کہ شہید سپاہی کی لاش اسپتال منتقل کر دی گئی ہے، دوسری جانب شکار پور مکے ٹاؤن رستم میں ایس ایچ او کے گھر پر مسلح افراد نے فائرنگ کی ہے۔
پولیس کا کہنا ہے کہ مسلح افراد نے ایس ایچ او نور مصطفیٰ مغل کے گھر کو نشانہ بنایا، فائرنگ کے واقعے میں اہلِ خانہ محفوظ رہے، حملہ آور فائرنگ کرنے کے بعد فرار ہوگئے۔
واضح رہے کہ اگست میں لکی مروت گزشتہ دو دہائیوں سے دہشت گردی اور تشدد کا گڑھ رہا ہے، اور حالیہ مہینوں میں مقامی امن کمیٹیوں کی کوششوں کے باوجود دہشت گرد حملوں میں اضافہ ہوا ہے۔
اس سے قبل لکی مروت میں دہشت گردوں نے حملوں کی ایک لہر میں 3 فوجی جوانوں اور ایک خاتون کو شہید جبکہ 2 فوجیوں سمیت 3 افراد کو زخمی کر دیا تھا۔
