شکار پور(4 ستمبر 2025) : قومی شاہراہ پر منی ٹرک نے سڑک کے کنارے سوئے مزدوروں کو کچل دیا جس کے نتیجے میں 7 افراد جان کی بازی ہار گئے۔
اے آر وائی نیوز کی رپورٹ کے مطابق شکارپور میں قومی شاہراہ پر ایک افسوسناک حادثہ پیش آیا ہے جہاں تیز رفتار منی ٹرک نے سڑک کنارے سوئے مزدوروں کو کچل ڈالا۔
یہ افسوسناک حادثہ شکارپور میں نیو فوجداری تھانے کی حدود خان پور بائی پاس پر پیش آیا، جاں بحق ہونے والوں میں چار بچے بھی شامل ہیں۔
حادثے میں 4 افراد شدید زخمی ہوگئے جنہیں تشویشناک حالت میں قریبی اسپتال منتقل کیا گیا، پولیس کے مطابق منی ٹرک سکھر سے کشمور آرہا تھا۔
مزید پڑھیں : ٹریلر نے سڑک کنارے سوئے مزدوروں کو کچل دیا
یاد رہے کہ اس سے قبل یکم اگست کو خیرپور ببرلو کے قریب ایک تیز رفتار ٹرالر نے سڑک کنارے سوئے ہوئے مزدوروں کو کچل دیا تھا۔ افسوسناک حادثے میں 3 مزدور موقع پر جاں بحق جبکہ 4 افراد زخمی ہوئے تھے۔
