پشاور (23 اپریل 2026): خیبر پختونخوا حکومت نے شندور پولو فیسٹیول منعقد کرنے کا فیصلہ کر لیا۔
ڈپٹی اسپیکر خیبر پختونخوا اسمبلی ثریا بی بی نے سیکرٹری سیاحت سعادت حسن کے ہمراہ شندور پولو فیسٹیول کی تاریخوں کا باضابطہ اعلان کیا۔
ثریا بی بی نے بتایا کہ شندور پولو فیسٹیول 11 سے 13 جون 2026 تک شندور گراؤنڈ میں منعقد ہوگا، 12 ہزار 200 فٹ کی بلندی پر واقع پولو گراؤنڈ میں چترال اور گلگت بلتستان کی ٹیمیں روایتی مقابلوں میں حصہ لیں گی۔
یہ بھی پڑھیں: شندور پولو فیسٹیول: سیاحوں کیلئے ہیلی کاپٹر سروس کا آغاز
انہوں نے بتایا کہ ملکی و غیر ملکی سیاحوں کو اس میں خوش آمدید کہتے ہیں۔
محکمہ سیاحت کے مطابق اس میں فری اسٹائل پولو میچز کا انعقاد کیا جاتا ہے، اس میں پیراگلائیڈنگ، ٹیبلو، چترال و گلگت بینڈ پرفارمنس اور کلچرل نائٹ بھی شامل ہوتی ہے۔
سیکرٹری سیاحت سعادت حسن نے بتایا کہ اس کی کامیاب تیاریوں کو حتمی شکل دی جا رہی ہے، تمام ادارے مل کر اس بین الاقوامی ایونٹ کو کامیاب بنائیں گے۔
