شاہد آفریدی نے کرس گیل کا مشکل چیلنج قبول کر لیا

کراچی (26 ستمبر 2025) بوم بوم کے نام سے مشہور سابق پاکستانی کپتان شاہد خان آفریدی نے اپنے ہم عصر کرس گیل کا مشکل ترین چیلنج قبول کر لیا ہے۔

شاہد آفریدی اور کرس گیل کا شمار پاکستان اور ویسٹ انڈیز کے ان جارح مزاج کھلاڑیوں میں ہوتا ہے، جنہیں اگرچہ کرکٹ سے ریٹائرمنٹ لیے برسوں بیت گئے تاہم ان کی جارحانہ بیٹنگ، بلند وبالا چھکے آج بھی شائقین کرکٹ کے ذہنوں میں تازہ ہیں۔

آفریدی اور گیل کی جارح مزاجی نے ہی ٹی 20 کرکٹ کو عالمی سطح پر تیزی سے پروان چڑھایا۔ وہ اب بھی نوجوان کرکٹرز کے لیے رول ماڈل ہیں۔ یہ دونوں اگرچہ اپنے کرکٹنگ دور میں حریف رہے مگر ریٹائرمنٹ کے بعد دوستی بھی مشہور رہی۔ تاہم اب یہ پھر حریف بننے جا رہے ہیں۔

پاکستان کے سابق کپتان شاہد خان آفریدی نے ویسٹ انڈیز کے سابق ہم منصب کرکٹر کرس گیل کا مشکل ترین چیلنج قبول کر لیا ہے اور اس کا اعلان انہوں نے سوشل میڈیا ایپ پر اپنے آفیشل ایکس اکاؤنٹ پر کیا ہے۔

اپنے ویڈیو پیغام میں شاہد آفریدی نے ’’یونیورس باس‘‘ کے نام سے مشہور کرس گیل کے چیلنج کو قبول کرتے ہے کہ دیکھتے ہیں کہ سب سے بڑا چھکا کون مارتا ہے۔

I’ve always wished I could play against my fans.

Now, with @sixr_cricket, it’s finally possible. Big things are coming! ⁰⁰And since @henrygayle had his challenge, it’s my turn now.

Think you can hit a bigger six than me? Sign up on the waitlist now for your chance to play… pic.twitter.com/ijseOkRnb2

— Shahid Afridi (@SAfridiOfficial) September 25, 2025

سابق قومی آل راؤنڈر سکسر کرکٹ کے آئیکون پلیئر بھی بن گئے ہیں۔ ویب تھری پر مبنی چھکے لگانے والا گیم سکسر کرکٹ جلد ٹیلیگرام پر متعارف کرایا جا رہا ہے۔
شاہد آفریدی خصوصی فین بیٹلز کی قیادت سمیت محدود ایڈیشن کلیکٹیبلز اور انعامات بھی فراہم کریں گے۔

حارث کا ایکشن چھا گیا، رونالڈو کے بعد ڈی ویلیئرز نے بھی بھارتی رافیل گرا دیے