پشاور (11 جنوری 2026): کاؤنٹر ٹریرئیزم ڈپارٹمنٹ (سی ٹی ڈی) نے پشاور اور ضلع خیبر میں کارروائیاں کرتے ہوئے 6 دہشتگرد ہلاک کر دیے ہیں۔
ترجمان سی ٹی ڈی نے بتایا کہ ہلاک دہشتگردوں سے بھاری تعداد میں اسلحہ برآمد کیا ہے، دہشتگرد سکیورٹی فورسز پر حملوں، بھتہ خوری و دیگر جرائم میں ملوث تھے، ان کے فرار ساتھیوں کی تلاش جاری ہے۔
وفاقی وزیر داخلہ محسن نقوی نے دہشتگردوں کے خلاف کامیاب کارروائی پر سی ٹی ڈی کی ستائش کی۔ انہوں نے کہا کہ بہادر سپوتوں نے خارجی دہشتگردوں کو جہنم واصل کر کے مذموم عزائم کو ناکام بنایا۔
یہ بھی پڑھیں: سی ٹی ڈی کی بڑی کارروائی، کالعدم ٹی ٹی پی کا کارندہ گرفتار
محسن نقوی نے سی ٹی ڈی کی پیشہ وارانہ صلاحیتوں کو سراہا اور کہا کہ ڈپارٹمنٹ کے بہادر جوانوں کی جرات اور پروفیشنل ازم پر فخر ہے، دہشتگردی کے خلاف جنگ میں قوم متحد ہے، بھارتی اسپانسرڈ دہشتگردوں کا خاتمہ کر کے امن بحال کیا جائے گا۔
