امریکا میں 18 قیراط سونے سے تیار کموڈ ایک کروڑ 21 لاکھ ڈالر میں نیلام ہوگیا۔
امریکا کے شہر نیویارک میں خالص سونے سے تیار کردہ کموڈ کی بولی لگی اور تقریباً ایک کروڑ 20 لاکھ ڈالر سے زائد میں فروخت ہوگیا۔
یہ سنہرا ٹوائلٹ کیٹیلان کی بنائی گئی تین تخلیقات میں سے ایک ہے۔
کموڈ کی بولی میں امریکا کے مشہور برانڈز نے حصہ لیا جبکہ اسے اطالوی وژیول آرٹسٹ ماریزیو کیٹیلان نے تیار کیا۔
میڈیا رپورٹ کے مطابق 223 پاؤنڈ وزنی یہ ٹوائلٹ2016 میں تیار کیا گیا تھا اور رواں ماہ اسے بریور بلڈنگ میں نصب کیا گیا، جہاں لوگوں کو نیلامی سے قبل اسے انفرادی طور پر دیکھنے کا موقع ملا۔
