دبئی: بھارت کے کپتان سوریا کمار یادیو پاکستان ٹیم سے ہاتھ نہ ملانے کا سوال ہنس کر ٹال گئے۔
دبئی میں پریس کانفرنس کے دوران صحافی نے سوریا کمار یادیو سے سوال کیا کہ کیا اگلے میچ میں بھی بھارتی ٹیم وہی کرے گی جیسا پچھلے میچ میں کیا تھا؟
بھارتی کپتان سوال ہنستے ہوئے ٹال گئے اور کہنے لگے اچھا آپ بولنگ کی بات کرہے ہیں، ہم نے بولنگ اچھی کی تھی۔
انہوں نے کہا کہ پاکستان کے خلاف میچ میں اچھا مقابلہ ہوگا، ہر گیم نیا چیلنج ہوتا ہے، پاک بھارت رقابت کا کچھ نہیں کہہ سکتا۔
سوریا کمار یادیو نے کہا کہ میں تو 2003 اور پرانے وقتوں میں کھیلا نہیں، جب اسٹیڈیم شائقین سے بھر جاتا ہے تو سوچتا ہوں اچھی کرکٹ کھیلوں۔
یہ پڑھیں: بھارتی کپتان سوریا کمار یادیو نے پاکستانی نژاد عمانی کرکٹر کو گلے لگا لیا
بھارتی کپتان نے کہا کہ بھی تین گیم جیتیں ہیں، میچز میں مزہ آیا، بیٹ اور بال کا اچھا مقابلہ ہوگا، ہر گیم چیلنج ہوتا ہے۔
واضح رہے کہ سپر فور مرحلے کا پہلا میچ آج دبئی میں سری لنکا اور بنگلادیش کے مابین ہوگا اسی مقام پر کل پاکستان اور بھارت کی ٹیمیں ٹکرائیں گی۔
پاکستانی ٹیم ایک دن آرام کے بعد 23 ستمبر کو ابوظبی میں سری لنکا سے ٹکرائے گی۔
