کراچی (21 دسمبر 2025): پاکستانی شوبز انڈسٹری کی خوبرو اداکارہ و ماڈل حنا آفریدی نے اچانک منگنی ہونے کا اعلان کر کے مداحوں کو سرپرائز دے دیا۔
ابھرتی ہوئی اداکارہ و ماڈل زندگی کے ایک نئے سفر کا آغاز کرنے کیلیے تیار ہیں۔ انہوں نے حال ہی میں سوشل میڈیا پر اپنی منگنی کی خوشخبری سنا کر مداحوں کو خوشگوار حیرت میں مبتلا کیا۔
یہ بھی پڑھیں: سلمان خان اس لیے کنوارے ہیں کیونکہ میں نے شادی نہیں کی، حنا آفریدی
حنا آفریدی نے ڈیجیٹل کانٹینٹ کریئٹر تیمور اکبر المعروف ’تیموری‘ سے منگنی کی۔ جوڑے نے سوشل میڈیا پلیٹ فارم انسٹاگرام پر ایک نہایت خوبصورت ویڈیو شیئر کی جس میں دونوں کلاسیکی انداز میں نظر آ رہے ہیں۔
View this post on Instagram
انہوں نے خوشخبری کا اعلان کرنے کیلیے خوبصورت انداز اور سادگی کو اختیار کیا جسے سوشل میڈیا صارفین خوب سراہا رہے ہیں۔
انسٹاگرام پوسٹ کے کیپشن میں انہیں مبارکباد اور نیک تمناؤں کا اظہار کیا جا رہا ہے۔
حنا آفریدی نے اے آر وائی ڈیجیٹل کے ڈرامہ سیریل ’پہلی سی محبت‘ میں کردار ادا کیا تھا۔ ڈرامے کی دیگر کاسٹ میں مایا علی، شہریار منورشبیر جان، حسن شہریار یاسین، نوشین شاہ، صبا فیصل و دیگر شامل تھے۔
