ترکیہ کے ساحل کے قریب تارکین وطن کی ایک کشتی حادثے کا شکار ہو کر ڈوب گئی، جس کے نتیجے میں کم از کم 15 تارکین وطن ہلاک ہوگئے۔
غیر ملکی خبر رساں ادارے کی رپورٹ کے مطابق یونان میں تارکین وطن کی کشتی حادثے کا شکار ہوگئی، پندرہ افراد جان کی بازی ہار گئے۔
یونانی حکام نے بتایا کہ واقعہ جزیرہ چیوس کے قریب اس وقت پیش آیا جب مہاجرین کی کشتی کوسٹ گارڈ کے جہاز سے ٹکرا کر سمندربرد ہوگئی۔
ڈوبنے والوں میں خواتین اور بچے بھی شامل ہیں، متعدد افراد تاحال لاپتہ ہیں، سرچ اینڈ ریسکیو آپریشن جاری ہے، گیارہ بچوں سمیت پچیس افراد کو بچالیا گیا۔
حادثے میں یونانی کوسٹ گارڈ کے دو اہلکار بھی زخمی ہیں، حادثے کے شکار افراد کی شناخت کے بارے میں ابھی تک معلوم نہ ہوسکا۔
یونانی حکام کے مطابق امدادی کارروائی کے دوران اب تک 14 افراد کی لاشیں نکالی جاچکی ہیں، حادثے کے وقت کشتی میں کم از کم 39 افراد سوار تھے۔
واضح رہے کہ ترکیہ اور یونان کے درمیان سمندری راستہ غیر قانونی ہجرت کے لئے استعمال ہونے والے خطرناک راستوں میں شمار ہوتا ہے، جہاں اس طرح کے حادثات ماضی میں بھی پیش آتے رہے ہیں۔
�
عمان میں 23 فرانسیسی سیاحوں کو لے جانے والی کشتی بیچ سمندر میں ڈوب گئی
