انٹرنیشنل کرکٹ کونسل (آئی سی سی) نے امریکا کے بیٹر اکھیلیش ریڈی کو کوڈ آف کنڈکٹ کی خلاف ورزی پر معطل کردیا۔
انٹرنیشنل کرکٹ کونسل (آئی سی سی) نے میچ فکسنگ کے الزام میں امریکی کرکٹر اکھلیش ریڈی کو عارضی طور پر معطل کر دیا ہے۔
ریڈی پر ابوظہبی ٹی 10 لیگ کے دوران کھیل کے انسداد بدعنوانی کوڈ کی خلاف ورزی کا الزام عائد کیا گیا ہے۔
الزامات میں میچز کو متاثر کرنا، کسی دوسرے کھلاڑی کو اسی سرگرمیوں میں حصہ لینے کی کوشش کرنا اور موبائل ڈیوائس سے ڈیٹا اور پیغامات کو حذف کرنا شامل ہے جو نامزد اینٹی کرپشن آفیشل (ڈی اے سی او) کی تحقیقات سے متعلق ہوں گے۔
ابوظہبی ٹی 10 اس سے قبل بھی آئی سی سی کی جانچ پڑتال کے تحت آچکا ہے، 2021 کے ایڈیشن میں آٹھ افراد پر اینٹی کرپشن کوڈ کی خلاف ورزی کا الزام عائد کیا گیا ہے۔
بنگلا دیش کے انٹرنیشنل کھلاڑی ناصر حسین کو بعد میں دو سال کی معطلی کا سامنا کرنا پڑا۔
ویسٹ انڈیز کے بلے باز مارلن سیموئلز جو پہلے ہی ریٹائر ہو چکے تھے، ان کو بھی مقابلے کے 2019 ایڈیشن کے دوران خلاف ورزیوں پر چھ سال کی پابندی لگائی گئی۔
