اسلام آباد ایئرپورٹ پر ہنگامی مشق “ایئرکون 25” مکمل کرلی گئی، بین الاقوامی سول ایوی ایشن معیاررات کو مدنظر رکھتے ہوئے مشق ہوئی۔
ترجمان پی اے اے نے بتایا کہ ہنگامی مشق “ایئرکون 25” کا اسلام آباد ایئرپورٹ پر انعقاد کیا گیا، مشق بین الاقوامی سول ایوی ایشن تنظیم کے معیارکے مطابق ہوئی، ریسکیو اینڈ فائر فائٹنگ سروسز نے جدید مہارت کا شاندار مظاہرہ کیا
پی اے اے نے بتایا کہ اے 320 طیارے کے حادثے، فیول آگ کا کامیاب ماڈل تیار کیا گیا، ایم آئی 17 ہیلی کاپٹر نے زخمی کو منتقل کرنے کی مشق میں حصہ لیا۔
دریں اثنا نجی ایئرلائن فلائی جناح کی جانب سے لاہور اور دبئی کے درمیان براہ راست پروازیں شروع کردی گئی ہیں۔
پاکستان کی کم لاگت والی ایئرلائن فلائی جناح نے اپنے بڑھتے ہوئے بین الاقوامی نیٹ ورک میں ایک اور سنگ میل عبور کرتے ہوئے لاہور اور دبئی کے درمیان ایک نیا نان اسٹاپ روٹ شروع کیا ہے۔
پہلی پرواز 29 اکتوبر کو علامہ اقبال انٹرنیشنل ایئرپورٹ سے روانہ ہوئی جس کی افتتاحی تقریب میں فلائی جناح کے حکام اور ایئرپورٹ کے نمائندوں نے شرکت کی۔
