دبئی(21 ستمبر 2025): ایشیا کپ 2025 کے سپر فور مرحلے میں روایتی حریف پاکستان اور بھارت کی کرکٹ ٹیمیں آج دوسری بار مدمقابل ہوں گی۔
تفصیلات کے مطابق ایشیا کپ 2025 کے سپر فور مرحلے میں پاک بھارت کرکٹ ٹیمیں آج دوبارہ ٹکرائیں گی، اس میچ میں پائی کرافٹ پھر بطور ریفری تعینات ہیں۔
پاکستانی ٹیم نے میچ کی تیاری کے لئے گزشتہ روز ہوٹل میں طویل میٹنگ کی تاہم پریس کانفرنس کو بغیر وجہ بتائے منسوخ کردیا گیا پاکستان اور بھارت کی ٹیموں نے آئی سی سی اکیڈمی میں پریکٹس سیشن میں حصہ لیا لیکن پاکستانی کرکٹرز کو میڈیا سے دور رہ کر کھیل میں فوکس کرنے کی ہدایت کی گئی۔
دوسری جانب دلوں کی دھڑکنیں تیز ہوگئی، فینزنے بھی تیاری کرلی، شائیقین کرکٹ کا کہنا ہے کہ قومی ٹیم کو بھارت کو شکست دیکر گروپ اسٹیج کا بدلہ لینا چاہیے۔
شائقین کرکٹ نے پھر پاکستان ٹیم سے امیدیں لگالیں ہیں، فینز کہتے ہیں بھارت کی کمزوریوں کو سمجھ کر ان کے خلاف پلاننگ کریں، قومی کی دعائیں پاکستانی ٹیم کے ساتھ ہیں، جیت ہماری ہوگی۔
