(13 ستمبر 2025): پیرس میں جاری انٹرنیشنل ولیج آف گیسٹرونومی میں پاکستان کا رنگا رنگ پویلین دنیا بھر سے آئے سیکڑوں زائرین کی توجہ کا مرکز بن گیا ہے۔
تفصیلات کے مطابق پیرس میں جاری انٹرنیشنل ولیج آف گیسٹرونومی میلے میں پاکستانی روایتی کھانے، دلکش موسیقی اور خوبصورت دستکاری نے مہمانوں کو مسحور کر دیا، ذائقوں کے اس میلے میں چکن بریانی، چنا چاٹ، گلاب جامن، جلیبی اور روح افزا کو غیر ملکی مہمانوں نے بے حد پسند کیا۔
زائرین کا کہنا تھا کہ پاکستانی کھانے نہ صرف مزیدار ہیں بلکہ اپنی خوشبو اور ذائقے میں بالکل منفرد ہیں، پویلین میں پیش کی گئی پاکستانی دستکاری اور ثقافتی موسیقی نے بھی سب کو پاکستان کی رنگین ثقافت سے روشناس کرایا گیا۔
View this post on Instagram
یہ میگا کوزائن ایونٹ مزید دو روز تک، یعنی 14 ستمبر تک، پیرس میں جاری رہے گا، جہاں پاکستان اپنی ثقافت اور مہمان نوازی کی پہچان دنیا بھر میں اجاگر کرتا رہے گا۔
فرانس میں پاکستان کی سفیر ممتاز زہرہ بلوچ نے اینی لاور ڈیس کامبن کی دعوت پر انٹرنیشنل ولیج آف گیسٹرونومی پیرس کا دورہ کیا، یہ پیرس میں 2016 کے بعد گیسٹرونومی کی منعقد سب سے بڑی تقریبات میں سے ایک ہے اور اس کا مقصد دنیا بھر سے کھانے کی بھرپور روایات کو منانا ہے۔
