ڈان 3 کے تنازع پر ایف ڈبلیو آئی سی ای نے رنویر سنگھ کے خلاف عدم تعاون کی ہدایت جاری کردی۔
بھارتی اداکار رنویر سنگھ کے ترجمان کا کہنا ہے کہ وہ فلم انڈسٹری کا احترام کرتے ہیں اور فیڈریشن آف ویسٹرن انڈیا سائن ایمپلائز کی جانب سے ‘ڈان 3’ کے تنازع کے سلسلے میں ان کے خلاف عدم تعاون کی ہدایت جاری کیے جانے کے بعد انہوں نے خاموش رہنے کا فیصلہ کیا ہے۔
ترجمان نے اس بات پر زور دیا کہ رنویر سنگھ نے اس معاملے پر عوامی سطح پر تبصرہ کرنے سے جان بوجھ کر گریز کیا ہے، کیونکہ ان کا ماننا ہے کہ ایسے مسائل کو وقار اور سنجیدگی کے ساتھ نجی طور پر حل کیا جانا چاہیے۔
یہ پڑھیں: رنویر سنگھ نے اپنے اوپر لگی پابندی پر خاموشی توڑ دی
اداکار کے ترجمان کا کہنا ہے کہ رنویر سنگھ فلم برادری اور ڈان فرنچائز سے وابستہ ہر شخص کے لیے انتہائی احترام کا جذبہ رکھتے ہیں۔ ڈان 3 کے حوالے سے حالیہ پیش رفت کے دوران انہوں نے شعوری طور پر خاموشی برقرار رکھنے کا انتخاب کیا ہے، کیونکہ ان کا ماننا ہے کہ پیشہ ورانہ بات چیت اور ذاتی تعلقات کو وقار، سنجیدگی اور باہمی احترام کے ساتھ ہی سنبھالا جانا بہتر ہوتا ہے۔
انہوں نے مزید کہا کہ اگرچہ وقت کے ساتھ ساتھ کئی کہانیاں اور قیاس آرائیاں سامنے آئی ہیں لیکن رنویر نے کبھی بھی عوامی سطح پر جواب دینے یا افواہوں کو بڑھاوا دینے کی ضرورت محسوس نہیں کی۔ ان کی توجہ مضبوطی سے اپنے کام اور آنے والے وعدوں پر مرکوز ہے۔
واضح رہے کہ ایف ڈبلیو آئی سی ای نے پیر کے روز یہ عدم تعاون کی ہدایت اس وقت جاری کی جب رنویر سنگھ نے تین بار یاددہانی کے خطوط موصول ہونے کے باوجود تنازع پر بات چیت کے لیے تنظیم کے سامنے حاضر ہونے کی بار بار کی جانے والی درخواستوں کا کوئی جواب نہیں دیا۔
