شوبز انڈسٹری کی معروف اداکارہ مایا علی کا کہنا ہے کہ محبت آسان نہیں اسے نبھانا بہت مشکل ہے۔
اے آر وائی ڈیجیٹل کے ڈرامہ سیریل ’پہلی سی محبت‘ میں ’رخشی‘ کا کردار نبھانے والی اداکارہ مایا علی نے دل ٹوٹنے اور شادی سے متعلق اظہار خیال کیا۔
انہوں نے کہا کہ محبت ہوئی ہے کیوں نہیں ہوسکتی، اب یہ انحصار کرتا ہے کہ صحیح انسان سے ہوئی ہے یا پھر غلط انسان سے ہوگئی، آپ کا آپس میں کنکشن نہیں مل رہا، ہوسکتا ہے کبھی میں غلط ہوں یا پھر وہ غلط ہو یہی نہیں کہ ہمیشہ میں ہی ٹھیک ہوں۔
اداکارہ نے کہا کہ محبت آسان نہیں اسے نبھانا بہت مشکل ہے، میں نے ہمیشہ نبھانے کی کوشش کی ہے۔
شادی کے سوال پر مایا علی نے کہا کہ میں نے شادی اس لیے نہیں کی کہ میں یہ صرف لوگوں کے سوالوں سے بچنے کے لیے نہیں کرنا چاہتی یا اس لیے کہ ایک خاص عمر گزرچکی ہے یا کسی نے میرے لیے اچھا آپشن تلاش کرلیا ہے، نہیں! شادی زندگی کا سب سے بڑا فیصلہ ہے جس میں صرف دو افراد نہیں بلکہ ان کے اہلخانہ بھی شامل ہیں۔
یہ پڑھیں: مایا علی نے زندگی کی سب سے بڑی خواہش ظاہر کردی
انہوں نے کہا کہ شادی کے لیے ایک ٹھوس وجہ ہونی چاہیے جیسے کہ آپ کے ساتھی کے ساتھ حقیقی تعلق ہو۔
اداکارہ نے پھر مسکراتے ہوئے کہا کہ شادی اس دن کروں گی جس دن ڈالر سستا ہوجائے گا کیونکہ بہت مہنگائی ہوگئی ہے۔۔
ریپڈ فائر میں مایا علی نے کہا کہ مجھے رات میں شوٹنگ کرنا پسند ہے، کافی کے مقابلے میں انہیں چائے پسند ہے، لاہور کے مقابلے میں کراچی کا کھانا بہت اچھا ہوتا ہے۔
اداکارہ نے کہا کہ بلال اشرف اور وہاج علی میرے پسندیدہ اداکار ہیں۔ ایک جنونی مداح نے میری ہزارہ تصاویر بنائی تھیں جو مجھے سمجھ نہیں آیا کہ کس طرح بنائی گئیں۔
