پی ایس ایل 11 کے 38ویں میچ میں لاہور قلندرز نے پشاور زلمی کو 6 وکٹوں سے شکست دے دی۔
لاہور کے قذافی اسٹیڈیم میں کھیلے گئے میچ میں لاہور قلندرز نے پشاور زلمی کی جانب سے دیا جانے والا 200 رنز کا ہدف آخری اوور میں 4 وکٹوں کے نقصان پر حاصل کرلیا۔
فخر زمان نے 47 گیندوں پر 58 رنز کی میچ وننگ اننگز کھیلی، ڈینیئل سیمز 33 رنز کے ساتھ ناٹ آؤٹ رہے۔
عبداللہ شفیق 25 رنز بنا کر آؤٹ ہوئے، چرتھ اسالنکا 33 رنز بناسکے، سکندر رضا کو 29 رنز پر سفیان مقیم نے آؤٹ کیا۔
پشاور زلمی کی جانب سے سفیان مقیم، علی رضا، خرم شہزاد اور افتخار احمد نے ایک، ایک کھلاڑی کو آؤٹ کیا۔
پشاور زلمی نے مقررہ اوورز میں 4 وکٹوں کے نقصان پر 199 رنز بنائے اور لاہور قلندرز کو جیت کے لیے 200 رنز کا ہدف دیا تھا۔
مائیکل بریسویل کی 45 گیندوں پر 83 رنز کی اننگز رائیگاں گئی، بابر اعظم 59 رنز ٹیم کو کامیابی نہ دلواسکے۔
View this post on Instagram
جیمز ونس 10 رنز بنا کر شاہین آفریدی کا نشانہ بنے، افتخار احمد 27 رنز بنائے، کوشال مینڈس 7 رنز بناسکے۔
View this post on Instagram
لاہور قلندرز کی جانب سے شاہین آفریدی اور حارث رؤف نے دو، دو کھلاڑیوں کو آؤٹ کیا۔
View this post on Instagram
لاہور قلندرز کے کپتان شاہین آفریدی نے ٹاس جیت کر بابر اعظم الیون کو پہلے بیٹنگ کی دعوت دی تھی۔
View this post on Instagram
پشاور زلمی پہلے ہی پلے آف کے لیے کوالیفائی کرچکی ہے جبکہ لاہور قلندرز کو میچ میں لازمی فتح درکار ہے۔
اس سے قبل کراچی کنگز نے کوئٹہ گلیڈی ایٹرز نے 9 وکٹوں سے شکست دے کر پوائنٹس ٹیبل پر چوتھی پوزیشن حاصل کرلی ہے۔
