پی ایس ایل 11 کے گیارہویں میچ میں لاہور قلندرز نے ملتان سلطانز کو 20 رنز سے شکست دے دی۔
قذافی اسٹیڈیم میں کھیلے گئے میچ میں لاہور قلندرز کی جانب سے دیے گئے 186 رنز کے تعاقب میں ملتان سلطانز کی ٹیم مقررہ 13 اووورز میں 5 وکٹوں کے نقصان پر 165 رنز بناسکی۔
شان مسعود کی 44 رنز کی اننگز رائیگاں گئی، صاحبزادہ فرحان 24 رنز بنا کر آؤٹ ہوئے، اسٹیو اسمتھ 9 رنز بنا کر شاہین آفریدی کا نشانہ بنے، ایشٹن ٹرنر کے 52 رنز بھی کام نہ آسکے۔
لاہور قلندرز کی جانب سے مستفیض الرحمان نے دو، شاہین اور عبید شاہ نے ایک، ایک وکٹ حاصل کی۔
لاہور قلندرز نے مقررہ 13 اوورز میں 5 وکٹوں کے نقصان پر 185 رنز بنائے اور ملتان سلطانز کو جیت کے لیے 186 رنز کا ہدف دیا تھا۔
اوپنر محمد نعیم نے 28 گیندوں پر 60 رنز کی اننگز کھیلی، پرویز ایمون 45 اور عبداللہ شفیق 33 رنز کے ساتھ نمایاں رہے۔
سکندر رضا 13 رنز کے ساتھ ناٹ آؤٹ رہے، آصف علی 8 رنز بنا کر آؤٹ ہوئے۔
View this post on Instagram
ملتان سلطانز کی جانب سے محمد اسماعیل نے دو، فیصل اکرم اور پیٹرل سڈل نے ایک، ایک وکٹ حاصل کی۔
View this post on Instagram
اس سے قبل ملتان سلطانز کے کپتان ایشٹن ٹرنر نے ٹاس جیت کر شاہین آفریدی الیون کو پہلے بیٹنگ کی دعوت دی تھی۔
بارش کی وجہ سے میچ کو 13 اوورز تک محدود کیا گیا ہے۔
View this post on Instagram
سلطانز کے کپتان ایشٹن ٹرنر کا کہنا تھا کہ ہماری بیٹنگ لائن اچھا پرفارم کررہی ہے، کوشش کریں گے کہ جیت کے تسلسل کو برقرار رکھیں، فیصل اکرم اور محمد اسماعیل کو ٹیم میں شامل کیا گیا ہے۔
شاہین آفریدی کا کہنا تھا کہ روبن ہارمر اور آصف علی پلیئنگ الیون میں شامل ہیں۔
ان کا کہنا تھا کہ ٹاس جیتتے تو ہم پہلے بیٹنگ کا ہی انتخاب کرتے، پچھلے میچ میں اچھا کھیلے بدقسمتی سے نتیجہ ہمارے حق میں نہیں آیا۔
